Գերմանիայի Տնտեսական համագործակցության և զարգացման դաշնային նախարարության կողմից ֆինանսավորվող և Եվրոպական միության կողմից համաֆինանսավորվող Տեղական զարգացման հիմնադրամի շրջանակներում Գերմանական միջազգային համագործակցության ընկերությունը հայտարարում է հայտերի ներկայացման հրավեր ՀՀ համայնքների, մասնավոր հատվածի կազմակերպությունների, քաղաքացիական հասարակության կազմակերպությունների և այլ հետաքրքրված կազմակերպությունների համար՝ համաձայն ներքոնշյալ փաստաթղթում նկարագրված դրույթների։
ՏԶՀ-ն ներառում է ֆինանսավորման չորս հիմնական ուղղություն․
- Վերականգնվող էներգիա և էներգաարդյունավետություն (ՎԷ/ԷԱ)
- Համայնքային ծառայություններ
- Տեղական տնտեսական զարգացում
- Կանանց հզորացում և ներառականություն
ՏԶՀ-ի ընդհանուր նպատակը մարզային համայնքներում սոցիալ-տնտեսական զարգացման խթանումն է։ Դրանից բխող կոնկրետ նպատակներն են․
- տեղական տարբեր դերակատարների (ինչպիսիք են համայնքապետարանները, մասնավոր հատվածի և քաղաքացիական հասարակության ներկայացուցիչները) միջև միջոլորտային համագործակցության և երկխոսության խթանումը,
- սեփականության զգացման և մասնակցության խթանումը, ինչպես նաև համայնքի ներառական զարգացման գործում համագործակցելու և փոխզիջումների գնալու կարողությունը,
- GIZ-ի կողմից տարբեր ոլորտներում իրականացվող ծրագրերի միջև համագործակցությունը և փորձի մեկտեղումը։
Ներկայացվող բոլոր ծրագրերը պետք է ուղղված լինեն մարզային համայնքերի զարգացմանը։ Պետք է հստակորեն ներկայացվի ծրագրի ներդրումը կայուն, ներառական տեղական զարգացմանը և համապատասխանությունը ՏԶՀ-ի ոլորտներին։
Հայտերը պետք է կազմվեն հայերենով և ուղարկվեն այս հասցեին։ Գործընթացին առնչվող բոլոր հարցերը կարող են ուղարկվել նույն հասցեին։
Հայտերի ներկայացման վերջնաժամկետը՝ մարտի 25, 2025թ․ ժամը 17։00
Հայտերի ներկայացման հրավերի ամբողջական տեքստը և կից հավելվածները հասանելի են ստորև հղումներով։ Հրավերը տեղադրված է հայերենով և անգլերենով։ Անհամապատասխանությունների դեպքում հիմք է ընդունված անգլերեն տարբերակը։ Դրանք կարող եք ներբեռնել այստեղ։
