Արհեստական բանականությունն ու բիզնեսը

Կամա, թե ակամա արհեստական բանականությունը «ներխուժել է» բոլորիս կյանք։ Կարծիքներն այս թեմայի շուրջ բազմաթիվ են։ Մի մասը կարծում է այն օգտակար է, մյուս մասը մտածում է, որ այն ապագայում ոչնչացնելու է մարդկությանը, մյուս մասն էլ հանգիստ է վերաբերվում նոր գործիքներին՝ քաղելով դրանից առավելագույնը։

Այս թեմայով ամենադիպուկն արտահայտվել է Սթիվեն Հոքինգը՝

«Արհեստական բանականության ստեղծման հաջողությունը կլինի մարդկության պատմության ամենամեծ իրադարձությունը։ Ցավոք, այն կարող է լինել նաև վերջինը, եթե մենք չսովորենք, թե ինչպես խուսափել ռիսկերից»։

Քանի դեռ ԱԲ-ն մեզ «չի ոչնչացրել» կամ «չի սովորեցրել» հարմարավետ կյանքին, առաջարկում ենք միանալ վերոնշյալ մարդկանց 3-րդ խմբին՝ քաղելով ԱԲ-ից առավելագույնը։

Թեմայի մեջ ավելի խորանալու համար, նախ հասկանանք, թե ինչ է ընդհանրապես արհեստական բանականությունը՝

ԱԲ-ն արդեն դարձել է գիտության ճյուղ, որն ուսումնասիրում է, թե ինչպես կարելի է ծրագրերը և մեքենաները դարձնել «խելացի»՝ տալով նրանց սովորելու, որոշումներ կայացնելու, լեզուներ հասկանալու և խնդիրներ լուծելու կարողություն։ Սրա հիմնական նպատակը մարդկանց մտավոր կարողությունները վերարտադրելն ու օպտիմալացնելու համար օգտագործելն է։

Իր հերթին, արհեստական բանականությունը ևս ճյուղավորվում է։ Կան ԱԲ-ներ, որոնք կատարում են հատուկ առաջադրանքներ։ Դրանք ստեղծված են միայն դրա համար։ Սրանք չեն տիրապետում ընդհանուր ինտելեկտի՝ անում են այն, ինչի համար ծրագրավորված են։ Կան նաև «ուժեղ» ԱԲ-ների տեսակներ, որոնք ներառում են այնպիսի համակարգեր, որոնք կարող են ընդհանուր ինտելեկտ և հիշողություն ունենալ, ինչպես մարդը։ Սրանք արդեն մոտ ապագայում կկարողանան լուծել խնդիրներ տարբեր բնագավառներում՝ առանց հատուկ ծրագրավորման։ Սրանք կկարողանան ինքնուրույն մտածել, զարգանալ, որոշումներ կայացնել և նույնիսկ բարելավել սեփական մտածողությունը։ Մյուս տեսակը, որից որոշները ահաբեկվում են, սուպեր ԱԲ-ներն են, որոնք կունենան ավելի բարձր ինտելեկտ, քան մարդը։ Սրանք կգերազանցեն մարդու մտավոր կարողությունները՝ կդառնան ստեղծագործ, կկարողան կատարել հետևություններ, նույնիսկ նոր գիտություններ ստեղծել։

ԱԲ-ն արագորեն դառնում է բիզնեսի անբաժան մասը՝ նպաստելով գործընթացների ավտոմատացմանը, որոշումների կայացման օպտիմալացմանը և հաճախորդների սպասարկման բարելավմանը։ Այն մեծ ազդեցություն ունի բիզնեսի գրեթե բոլոր ոլորտներում, ներառյալ մարքեթինգը, ֆինանսները, արտադրությունը և նույնիսկ փոքր ու միջին ձեռնարկությունները։ Վերջիններս ավելի հեշտությամբ կարող են օգտագործել ԱԲ-գործիքներ՝ խնայելով ռեսուրսներ, իսկ էլեկտրոնային առևտրի ոլորտում ԱԲ-ն օգնում է առաջարկների օպտիմալացմանն ու հաճախորդների սպասարկման բարելավմանը։ ԱԲ-ն հնարավորություն է տալիս աշխատել ավելի արդյունավետ՝ առանց մեծ ներդրումների։

Ահա արհեստական բանականության հիմնական կիրառությունները բիզնեսում՝

Ավտոմատացում և արտադրողականություն

ԱԲ-ն օգտագործվում է ավտոմատացման համար, ինչը թույլ է տալիս նվազեցնել մարդկային սխալները, խնայել ժամանակ և ի վերջո մեծացնել արդյունավետությունը։
Օրինակներ՝

• Ռոբոտացված պրոցեսներն օգտագործվում են կրկնվող առաջադրանքների համար՝ բանկային գործառնություններից մինչև հաշիվների մշակում։
  
• Ավտոմատացված տվյալների մուտքագրման շնորհիվ կարող են ինքնուրույն մուտքագրվել ու վերլուծվել անսահմանանափակ տվյալներ։
  
• Սրանք կարող են դառնալ նաև վիրտուալ աշխատակիցներ՝ օրինակ համակարգերը կարող են իրականացնել հարցազրույցներ, վերլուծություններ և թեստավորումներ։

Հաճախորդների սպասարկում

ԱԲ-ն շատ կարևոր գործիք է հաճախորդների սպասարկման համար՝ ներառելով վիրտուալ օգնականներ (chatbot-եր), որոնք կարող են հաճախորդներին օգնել ցանկացած ժամանակ, լուծել հարցեր կամ ուղղորդել նրանց համապատասխան բաժիններ։

Chatbot-երն՝ ապահովում են 24/7 ծառայություն, որն օգնում է նվազեցնել սպասման ժամանակը։

Անհատականացված փորձառություն՝ ԱԲ-ն օգտագործում է տվյալներ հաճախորդների «անհատական վարքագծի» մասին՝ նրանց համար ավելի հարմար ու հետաքրքիր առաջարկներ մշակելու համար։

Մարքեթինգ և վաճառքներ

ԱԲ-ի կիրառումը մարքեթինգում մեծ նշանակություն ունի՝ հատկապես անընդհատ զարգացող թվային այս աշխարհում։

• Տվյալների վերլուծություն և կանխատեսումներ՝ ԱԲ-ն օգտագործում է մեծ տվյալների վերլուծություն (big data)՝ հաճախորդների վարքագիծը հասկանալու համար, ինչը թույլ է տալիս անել ճիշտ մարքեթինգային քայլեր։
  
• Հաճախորդի վերլուծություն՝ որպեսզի կարողանանք հստակ թիրախավորել որոշակի խմբեր կամ օգտագործել գործիքներ՝ ավելի բարձր եկամուտներ ստանալու համար (օրինակ՝ հրավերներ, զեղչեր, հատուկ առաջարկներ)։
  
• Անհատականացված գովազդ՝ ԱԲ-ն որոշում է, թե որն է լավագույն գովազդային առաջարկը յուրաքանչյուր հաճախորդի համար՝ հիմնվելով նրանց նախասիրությունների, նախկին գնումների և համապասխան այլ տվյալների վրա։

Ֆինանսական վերլուծություն

ԱԲ-ն գործում է նաև ֆինանսական համակարգերում՝ խնայելով ժամանակ և ռեսուրսներ

• Ռիսկերի վերլուծություն․ օգտագործելով կանխատեսման մոդելներ՝ կարող է գնահատել որոշակի ֆինանսական ռիսկեր կամ որոշումների հնարավոր հետևանքները։
  
• Նվազագույն ծախսերով ներդրումներ․ ԱԲ-ն կարող է հաշվարկել և առաջարկել, թե որտեղ են առավել շահավետ ներդրումները՝ հիմնվելով շուկայի շարժումների վերլուծության վրա։
  
• Ֆինանսական խարդախությունների հայտնաբերում․ ԱԲ-ն կարող է օգտագործվել տարբեր գործիքներով՝ համակարգելու ռիսկերը և հայտնաբերելու անօրինական գործողություններ։
  

Արտադրություն

ԱԲ-ն շատ է օգտագործվում նաև արտադրության ոլորտում՝ հատկապես ավտոմատացված և խելացի համակարգերի միջոցով։

• Ինքնավար արտադրական գործընթացներ՝ ռոբոտացված մեխանիզմների շնորհիվ հնարավոր է իրականացնել որոշակի գործողություններ, ինչպիսիք են հավաքումը, ստուգումը, փաթեթավորումը և այլն՝ մեծացնելով արագությունն ու արդյունավետությունը։
  
• Խելացի սպասարկում՝ ԱԲ-ը նաև կարող է կանխատեսել մատակարարումների անհրաժեշտությունը՝ ուսումնասիրելով տվյալները։

Մի շարք առավելություններ ևս

• Տեխնոլոգիաների արագ զարգացում՝ ԱԲ-ն հնարավորություն է տալիս արագորեն արձագանքել շուկայի փոփոխություններին։
  
• Դինամիկ որոշումների ընդունում՝ տվյալների արագ վերլուծություն և կոնկրետ գործողությունների հիմնավորում։
  
• Զգալի խնայողություններ՝ ավտոմատացման շնորհիվ նվազում են աշխատուժի ծախսերը և մեծանում է աշխատունակությունը։
  
• Ապահովություն՝ ԱԲ-ն կօգնի հայտնաբերել չարաշահումներն հայտնաբերմանը ու ապահովել անվտանգությունը

ԱԲ-ի մարտահրավերները և ռիսկերը

ԱԲ-ն, իհարկե, ունի նաև ռիսկեր՝

• Տվյալների անվտանգության խնդիրներ․ անձնական տվյալների կամ խոշոր ընկերություններում գրանցված տվյալների պաշտպանության պահանջներ։
  
• Աշխատատեղերի կորուստ․ ավտոմատացումը կարող է վերացնել որոշ աշխատանքներ՝ կրճատելով հազարավոր աշխատատեղեր։

ԱԲ-ն փոխում է բիզնեսը և իրեն «հպատակեցնում» բոլոր ոլորտներին։

Այս նյութը ստեղծելիս նույնպես արհեստական բանականությունն ունեցել է իր անգնահատելի ներդրումը։ 

Մի մոռացեք միանալ նաև մեր թելեգրամյան ալիքին։