Ucom-ն ու Impact Hub Yerevan-ը մեկնարկում են մեկամյա ինկուբացիոն ծրագրում, որի շնորհիվ դուք կստանաք ձեռնարկատիրական գիտելիքներ, անհատական մենթորություն, ոլորտի փորձագետների ուղեցույցներ, նոր կապեր ստեղծելու միջավայր և հնարավորություն՝ ձեր նորարարական գաղափարը վերածելու կենսունակ բիզնեսի։
Ֆելոուշիփի նպատակն է ոգեշնչել, միավորել և հզորացնել ձեռներեցներին, անհատներին և թիմերին՝ տրամադրելով գործիքներ, ռեսուրսներ և արժեքավոր կապեր, որոնք անհրաժեշտ են տեխնոլոգիական և շրջանային տնտեսությամբ պայմանավորված լուծումներ մշակելու համար:
Ծրագրի նպատակն է՝
- Խթանել նորարարությունը՝ մասնակիցներին տալով հնարավորություն մշակելու տեխնոլոգիական լուծումներ, որոնք կնպաստեն շրջակա միջավայրի պահպանությանը:
- Աջակցել ձեռներեցությանը՝ սկսնակ ձեռներեցներին տրամադրելով անհրաժեշտ գործիքներ, մենթորություն և ռեսուրսներ՝ գաղափարները շուկայական ապրանքի վերածելու համար:
- Խթանել կայուն զարգացումը՝ խրախուսելով էկոլոգիապես մաքուր բիզնես մոդելներ և շրջակա միջավայրին վնաս չհասցնող արտադրություն:
- Կառուցել համայնք՝ միավորելով մասնակիցներին ոլորտի առաջատարների, գործընկերների և փորձագետների հետ:
- Ստեղծել ազդեցություն՝ խթանելով կայուն տնտեսության զարգացմանն ուղղված նորարարական նախագծերը:
Ովքե՞ր կարող են դիմել
- Անհատներ կամ թիմեր, որոնք ունեն տեխնոլոգիական նորարարական գաղափարներ:
- Սկսնակ ձեռներեցներ, ստարտափ հիմնադիրներ, հետազոտողներ, ովքեր ցանկանում են զարգացնել շրջակա միջավայրի վրա հիմնված նախագծեր:
- Բիզնեսներ կամ նախաձեռնություններ, որոնք ներառում են գյուղատնտեսության, զբոսաշրջության կամ տեքստիլ արդյունաբերության ոլորտներում և ոչ միայն՝ կիրառելով շրջակա միջավայրի վրա դրական ազդեցություն ունեցող տեխնոլոգիաներ:
Ի՞նչ կստանաք
- Ոգեշնչող սեմինարներ, որոնք նախատեսված են ստեղծագործական և ձեռնարկատիրական մղում առաջացնելու համար (գաղափարի վավերացում, բիզնես մոդելավորում, շրջանաձև տնտեսություն, արհեստական բանականություն, մարքեթինգ, սոցիալական ձեռնարկատիրություն, ֆոնդահայթայթում, ֆինանսների կառավարում, փիչինգ և այլն),
- Մասնագիտական մենթորություն,
- Ոգեշնչող աշխատանքային տարածք,
- Սահմաններ անցնելու և սովորականից դուրս մտածելու աջակցություն և մոտիվացիա,
- Գործընկերների հետ փորձի փոխանակում,
- Հասանելիություն Ucom ցանցի առաջատարներին,
- Ամենօրյա ներգրավվածություն Իմփաքթ Հաբ Երևանի ավելի քան 350 ստեղծարար նորարարների դինամիկ համայնքի հետ և կապ 1,000 մասնագետների և փորձագետների հետ ծրագրի ողջ ընթացքում,
- Համաշխարհային ցանց՝ 120+ Իմփաքթ Հաբերով՝ ավելի քան 60 երկրներում,
- Ծրագրի ավարտին կայանալիք եզրափակիչ փիթչի ընթացքում 3 լավագույն գաղափարներին տրվելու է յուրաքանչյուրին 400,000 դրամի ֆինանսական աջակցություն։
Նրանք, ովքեր կավարտեն ֆելոուշիփ ծրագիրը, հնարավորություն կունենան գրանցվելու Իմփաքթ Հաբ Երևանի շրջանավարտների հատուկ անդամակցությանը, ինչը նրանց հնարավորություն կտա պահպանել երկարաժամկետ կապեր և ստանալ այն առավելությունները, որոնք առաջարկում է Իմփաքթ Հաբ Երևանը իրենց ֆելոուշիփի շրջանակներից դուրս։
Ընտրության կարգը
Հայտադիմումները կգնահատվեն Իմփաքթ Հաբ Երևանի և Ucom-ի մասնագետների կողմից՝ ըստ հետևյալ չափանիշների՝
- Նորարարական մոտեցում՝ շրջակա միջավայրի խնդիրները լուծելու համար,
- Շրջակա միջավայրի վրա չափելի ազդեցություն ունենալու ներուժ,
- Առևտրայնացման և մասշտաբավորման իրատեսականություն,
- Թիմի փորձառություն և կարողություններ։
Ծրագրին դիմելու վերջնաժամկետը մայիսի 11-ն է։ Ծրագրի մեկնարկը նույն ամսին է, ավարտը՝ 2026 թվականի ապրիլին։
2025 թվականի մայիսի 2-ին տեղի կունենա առցանց տեղեկատվական հանդիպում: Հանդիպմանը կարող եք միանալ հետևյալ հղումով։
Ծրագրին դիմելու համար սեղմեք այստեղ։
Հարցերի դեպքում կարող եք գրել հետևյալ էլ․ հասցեին՝ misha.poghosyan@impacthub.net
