Ժամանակակից տեխնոլոգիաների աճի հետ միասին անհրաժեշտ է դառնում բարձրացնել աշխատանքի արդյունավետությունն ու որակը: Պետք է ճիշտ արձագանքել շուկայի պահանջներին: Ինչպես և ակնկալվում էր, ժամանակի ընթացքում նման պահանջներին կարողացավ հարմարվել միայն փոքր բիզնեսը, որն էլ աճ գրանցեց։
Ներկայումս փոքր բիզնեսին է «պատկանում» տնտեսության զգալի մասը։ Նրա շնորհիվ գրանցվում է տնտեսական աճ, զարգանում են ենթակառուցվաքները, ազգային ապրանքները և այլն։ Զարգացած երկրներում փոքր բիզնեսին է բաժին ընկնում տվյալ երկրի ՀՆԱ-ի գրեթե 80 %-ը։
Փոքր բիզնեսի տեսակները
Կախված հնարավոր բոլոր առաջարկներից փոքր բիզնեսները բաժանվում են 3 տիպի՝
Արտադրական բիզնես․ Անվանումից էլ ենթադրել կարելի է, որ այս տեսակը զբաղվում է ապրանքների արտադրությամբ։ Նրան են վերագրվում շինարարական, արդյունաբերական, ավտոմոբիլային, դեղերի ինչպես նաև թեթև և սննդի արդյունաբերությունը։ Արտադրական գործընթացը կազմակերպելը հեշտ չէ, այդ պատճառով սխալ է դրանից միանգամից շահույթ ակնկալելը։ Այն պետության կողմից աջակցության կարիք ունի։
Առևտրային, ֆինանսական բիզնես․ Այս տեսակի գործունեության ոլորտն առք ու վաճառքն է։ Այն ներառում է մեծածախ և մանրածախ խանութները, միջնորդ ընկերությունները, դեղատները և այլն։ Մեծ շահութաբերության դեպքում բիզնես նման տեսակը այդքան էլ բարդ չէ կազմակերպել։
Ծառայություններ մատուցող բիզնես․ Ամենատարածվածն է համաշխարհային պրակտիկայում։ Նման տեսակը հեշտ է կազմակերպել և շահութաբերությունն էլ բավականին բարձր է։
Փոքր բիզնեսի առավելությունները
Փոքր բիզնեսն ունի մի շարք առավելություններ։ Մեծ կորպորացիաների համեմատ այստեղ գործընթացներն ավելի ճկուն են և որոշումներն ավելի արագ են կազմակերպվում։ Այստեղ պարզ է բիզնեսի կառուցվածքը, ինչը հնարավորություն է տալիս արագ և հավուր պատշաճի արձագանքել փոփոխություններին՝ նույնիսկ բիզնեսի մատուցող տեսակից մյուսին անցնելու դեպքում։
Փոքր բիզնեսի հիմնական կողմնորոշումը՝ ազգային շուկաներն են, այդ պատճառով պահանջարկը շատ է։ Փոքր բիզնեսի աճն արդյունավետ միջոց է գործազրկության հարցը լուծելու համար, քանի որ ստեղծվում են մեծ թվով աշխատատեղեր։
Փոքր բիզնեսի և մեծ ձեռնարկությունների տարբերությունը
Մեծ ձեռնարկությունների համեմատ փոքր բիզնեսը կարող է արդյունավետ կերպով իրականացնել օժանդակ գործառույթներ։
Դառնալով մեծ ձեռնարկությունների մի մասը՝ փոքր բիզնեսն իր վրա ունի արտադրություն կազմակերպելու պարտավորություն, ինչն էլ իր հերթին ապահով է մեծ ձեռնարկությունների բնականոն աշխատանքը։
Փոքր բիզնեսը չի պահանջում սկզբնական մեծ ներդրումներ, քանի որ չունի արտադրական հզորություն։ Միաժամանակ արտադրության փոքր ծավալները թույլ են տալիս արագ վերաձևափոխել այն, ներդնել նոր տեխնոլոգիաներ և այլն։
Հիմնական տարբերությունը փոքր բիզնեսի և միջին ու մեծ ձեռնարկությունների աշխատատեղերի թիվն է և վերջին տարվա ընթացքում ապրանքների կամ ծառայությունների վաճառքից ստացված շահույթը:
2019 թվականի տվյալները Հայաստանի ՓՄՁ-ներն ունեն հետևյալ վիճակագրությունը՝
Հիմնական փուլերն ու փոքր բիզնեսի կազմակերպումը
Փոքր բիզնես սկսելը բոլորի մոտ յուրովի է, սակայն կան մի քանի հիմնական կետեր, որոնց հետևելը պարտադիր է։
- Մանրամասն հետազննում և բիզնեսի տեսակի ընտրություն
- Իրավունքների ձևակերպում
- Ֆինանսական միջոցների ներգրավում
- Ձեռնարկատիրական գործունեության օրինականացում
Յուրաքանչյուր կետ կարևոր է բիզնեսի հետագա հաջողության համար։
Այսքանը փոքր բիզնեսի կարևորության մասին։ Հիշեցնենք, որ մեր մյուս կրթական նորություններին կարող եք ծանոթանալ այստեղ։
