“Awesome Nature Armenia”-ն իր շուրջ է միավորել 60-ից ավելի տարբեր մասնագետների` գիտնականների, բնապահպանների, որոնց միավորում է մեր բնաշխարհն առավել լավը դարձնելու գաղափարը։
Հիմնադրամը յուրաքանրյուր ամիս 300.000-500.000 հայկական դրամին համարժեք դրամաշնորհ է տրամադրում առանց ավելորդ գլխացավանքների և թղթավարության։
Ձեզանից պահանջվում է իրականացնել նախագիծը, պատրաստել տեսանյութ ու ներկայացնել դրամաշնորհը կազմակերպող հիմնադրամին, որտեղ կպատմեք գաղափարի իրագործման և բնության պահպանման վրա դրա ազդեցության մասին։
Հիմնադրամը չի աջակցում արդեն գոյություն ունեցող նախագծերին:
Դրամաշնորհը պետք է ծածկի իրականացման ծախսերն ամբողջությամբ` բացառելով աշխատավարձերը:
Ձեր ծրագիրը համապատասխանում է, եթե՝
• Ունի բնապահպանական ուղղվածություն։
• Ունի նորարարական բնույթ։
• Իրականացվելու է ՀՀ մարզերից մեկում, բացառելով Երևանը։
• Հայտը պետք է ներկայացվի մարզաբնակի կողմից, կարող է ներառել թիմի երևանաբնակ անդամ:
• Ծախսերը թվային ձևաչափով և կոնկրետ հաշվարկներով ներկայացված են և իրատեսական են:
• Հնարավոր լինի իրականացնել առավելագույնը 3 ամսվա ընթացքում։
• Արդյունքը կիրառվող է և ունի շարունակական բնույթ։
• Հայտում բոլոր բաժինները լրացված են պատշաճ և պահանջներին համապատասխան։
• Իրականացնել կամավորական սկզբունքով:
Հիմնադրամը փնտրում է նախագծեր, որտեղ դրամաշնորհը կարող է խթան հանդիսանալ փոփոխության համար։ Նախագիծը պետք է լինի իրատեսական, ինչպես նաև խթանի Ձեր համայնքի զարգացմանը։
Դիմումների ընդունման վերջնաժամկետը յուրաքանչյուր ամսվա առաջին օրվա 23:59 է:
Եզրափակիչ փուլ անցած մասնակիցներին հիմնադրամը հրավիրում է ծանոթացման և անձամբ ներկայացնելու սեփական նախագիծը: Հաշվի առնելով կորոնավիրուսային համավարակով պայմանավորված սահմանափակումները՝ հանդիպումներն իրականացվում են առցանց տարբերակով: Ցանկության դեպքում նախագծի ներկայացմանը կարող ենք հրավիրել Ձեր ընկերներին ու գործընկեր կազմակերպությունների ներկայացուցիչներին:
Հաղթողը հայտարարվում է առցանց միջոցառման ավարտին: Հաղթող նախագիծը պետք է իրագործվի հայտարարելուց հետո առավելագույնը 3 ամսվա ընթացքում։
Հարցերի դեպքում գրեք՝ naturearmenia@awesomefoundation.org էլ. հասցեին:
