Վահան Քերոբյանն ընդունել է ՀԲԸՄ Հայաստանի նախագահին և Բրազիլիայի հայտնի լրատվամիջոցների ներկայացուցիչներին

Ապրիլի 17-ին էկոնոմիկայի նախարար Վահան Քերոբյանն ընդունել է AGBU/ՀԲԸՄ Հայաստանի նախագահ Վազգեն Յակուբյանին և Բրազիլիայի հայտնի լրատվամիջոցների մի շարք ներկայացուցիչների, որոնց թվում՝ O Estado de S. Paulo, Rádio CBN, TV Globo, UOL, Xadrez Verbal։ Լրագրողների այցը Հայաստան կազմակերպվել է Բրազիլիայի ՀԲԸՄ մասնաճյուղի կողմից։

Նախարարը ներկայացրել է Հայաստանի տնտեսության ձեռքբերումներն ու առաջնահերթությունները, անդրադարձել տնտեսական համագործակցության հնարավորություններին։ Նա նաև պատասխանել է լրագրողների հարցերին՝ տնտեսության ամենատարբեր ոլորտների, տարբեր երկրների հետ համագործակցության, բանկային, ֆինանսական ոլորտների վերաբերյալ։