«Ձեռնարկությունների ինկուբատոր» հիմնադրամը և Գյումրու տեխնոլոգիական կենտրոնը՝ «Հայաստանում աշխատուժի զարգացման» ծրագրի ներքո հայտարարում են «Բիզնեսի զարգացում և վաճառք» դասընթաց 15-ից 29 տարեկան մարզաբնակ երիտասարդների համար:
Դասընթացի շրջանակում մասնակիցները խորացված կերպով կուսումնասիրեն՝
- վաճառքի գործընթացի կազմակերպման, կառավարման, պլանավորման և արդյունավետ իրականացման մեթոդները,
- հավանական հաճախորդների որոնման, նրանց կարիքների վերլուծության, պատշաճ սպասարկման, դժգոհությունների վերացման, ամուր և վստահելի հարաբերությունների կառուցման մեթոդները,
- գործընկերների հետ արդյունավետ հաղորդակցման և բանակցություններ վարելու մեթոդները,
- խաչաձև վաճառքների իրականացման, հաճախորդների գոհունակության ապահովման և վաճառքի թիմի արդյունավետ կառավարման առանձնահատկությունները։
Դասընթացի արդյունքում մասնակիցները ձեռք կբերեն նաև փափուկ հմտություններ՝
- խնդիրների լուծում,
- քննադատական մտածողություն,
- կառավարման ընդունակություններ,
- ժամանակի կառավարում,
- թիմում աշխատելու կարողություն,
- և այլն։
Դասընթացի մանրամասներ․
- Ծրագրի տևողություն՝ 2 ամիս
- Մասնակցություն՝ անվճար
- Ձևաչափ՝ հիբրիդային (առցանց և անցանց)
- Անցանց դասընթացների անցկացման վայր՝ Գյումրու տեխնոլոգիական կենտրոն (ք․ Գյումրի, Գայի 1)։
Դասընթացին մասնակցելու համար անհրաժեշտ է մինչև ապրիլի 30-ը ներառյալ լրացնել հետևյալ առցանց հայտաձևը՝ https://bit.ly/3nTktLq
Տեղերը սահմանափակ են։ Մասնակիցների ընտրությունն իրականացվելու է հարցազրույցի միջոցով։
Նշենք, որ յուրաքանչյուր անձ կարող է մասնակցել «Հայաստանում աշխատուժի զարգացման» ծրագրի շրջանակում կազմակերպվող միայն մեկ դասընթացի։
Հարցերի կամ հավելյալ տեղեկատվության համար կարող եք զանգահարել 055 135558 հեռախոսահամարով:
«Հայաստանում աշխատուժի զարգացման» հնգամյա ծրագիրն իրականացվում է ԱՄՆ Միջազգային զարգացման գործակալության ֆինանսավորմամբ։ Ծրագրի նպատակն է երիտասարդներին, այդ թվում՝ կանանց և հաշմանդամություն ունեցող անձանց տրամադրել հնարավորություն՝ բարելավելու իրենց աշխատանքային հմտությունները՝ համապատասխանեցնելով աշխատաշուկայի պահանջներին, և գտնելու աշխատանք բարձր տեխնոլոգիաների, գյուղատնտեսության և հյուրընկալության ոլորտներում։
